终于完左个rm啦，呼，真係鬆咗一口气，如果唔继续读落去呢个算係我人生最后一个rm啦，真係有啲唔捨得，讲真係心都好矛盾，自己又想读书想学多啲野，但同时又唔想个l越来越大，都唔知点算好，唯有宜家俾多啲心机返多啲p借少啲钱啦。不过可以得闲返又可以打文打得密，之前好多inbox嘅都覆唔切可以一次过做返晒啦。
第十八章
上回讲到：我同人地一家三口终于都上咗机顺利出发，喺机上面知道人地老婆为咗头家真係放弃咗好多野，咁当然我都知都一定係付出好多，结婚係用一生作为承诺去照顾人，呢个承诺唔只係俾个女仔，更重要嘅人俾人地屋企人，人地俾咗好多心机去照顾好个女，估唔到自己如珠如宝嘅女俾个仆街就咁呃咗去，如果要我做呢个衰人我真係做唔去，但我自问已经都试过好多次想离开，而得到嘅答案都係话唔驶我去理，就算真係仆街都係佢负责，头家係佢嘅我唔驶揽上身，有时佢讲到咁我都唔知可以点覆佢，又唯有死死地气做返佢上面嘅男人。
估唔到同佢地三个只係相处咗一日但都已经好开心，讲真大阪好多地方我都已经去过晒，因为我本身就係个揹住背囊就周围去嘅人，就算市内无咩人会去嘅天王寺通天阁同动物园都去过，但同佢地去真係好唔同，有一种俾爸爸妈妈照顾嘅感觉，而做咗好耐孤儿仔嘅我真係好享受呢个偷返黎嘅家庭温暖。虽然只係半日时间，但都去咗好多地方，黑门市场食咗个lunch，去咗隔离电电城，同阿允拣咗好多高达同四驱车，估唔到原来好锺意iq博士个小云，见到佢拎住小云好谂好耐买唔买好就觉得好好笑，任何男人喺动漫面前都变咗做小朋友，呢个可爱样令我个心又跳得快咗，唔知hy有无同一个感觉呢？我特登上咗去楼上有一间卖限定嘅舖买咗样野俾，唔知佢会唔会锺意，不过我好想见到佢用呢样野个样，一定好好笑。
之后我地仲行咗梅田同难波，见到佢地买到一袋二袋真係觉得好好笑，成日都捉住我要我同佢去睇野，但好多时佢明明就知道自己想要咩，根本就唔驶我去睇佢，不过见到佢其实都已经心满意足，去到心斋桥间大丸佢突然捉咗我上去同佢试衫，我有谂过唔同佢一齐去，一黎我知如果只係得两个人一定出事，就算无野都实会嘈，二黎係我做唔出喺人地一家人旅行时同佢做啲咩，但我知我成日都只係痴住阿允佢实好唔满意，如果再拒绝佢我谂唔到佢会点做，所以唯有做个乖仔同咗佢上去试衫。不过一路行都见到佢火火地，虽然我确实唔係好知佢嬲嘅点喺边，你地一家人乐也融融咁嬲果个好似应该係我先啱
：你係唔係好想避开我？
：其实今日可唔可以只係当朋友出黎玩咁唔好在乎咁多野
：咁你只係同阿允倾计同玩我点同你当朋友？
：你有无谂过大家眼中我同你应该唔熟
：但我见你同我老婆都倾得下计呀
：咁又点同？
：定你係想屌完人老公之后又想玩人老婆？
n99，我无野想同你再倾
：你成日都痴住佢两个搏咩呀？搏佢两个都锺意你呀？
唔明点解听到佢咁讲我真係嬲撚到傻咗，好想打鸠佢两巴，屌那星如果唔係因为佢我都唔会黎到呢个地方，仲要屈我沟佢老婆。如果闹交嘅时候一个係唔经大脑咩都讲得出口嘅人而另一个係硬颈到爆不停斗气唔肯认输嘅人，真係好不得了，我地两个每次一嘈就会讲埋啲好对方嘅说话惊死对方唔死咁。
：贪阿允后生以为可以玩佢呀？
：係呀，鲜肉有边个唔想试下呀，我今晚仲可以同佢一齐训，想点玩都得
：即係玩厌咗我啦，点解你咁淫係人都得？
：我係大食架啦，吹咩
个商场其实无咩人，所以我地讲野都唔算好细声，见到个嬲到个面都红晒一手都捉住我向前行，而我又唔会出声就算佢整到我好痛我又唔敢出声，佢捉咗我入到一间更衣室，好大咁推咗我入去，成个身压住我喺块镜度不停咁锡我块面，对手不停咁揸我个胸，仲要话如果我要淫我要大食就搅佢，本能上我好想推开佢，我大只过佢又高过佢其实要堆开佢唔难，不过唔知点解总觉得佢个人震震地，见到佢眼角好似有啲眼泪咁，我一时之间都唔係好明点解佢会咁，好自然咁大力揽住咗佢，呢个时候先发现其实佢面对嘅压力都唔细，对住两个都锺意嘅人真係唔係咁易，对一个好另一个又唔知会点咁，突然觉得佢好似捉虫咁，都唔明点解要有个咁嘅旅行
：你唔好搅佢地啦，我俾你搅啦
：唔好乱谂野啦，痴线咩，你个脑谂咩
：我见到你地好熟，你对住佢地就好开心咁，同佢地玩佢地买野都好兴奋，但对住我就成个人都唔同咗，同我原本想像嘅好唔同，我唔知你个心谂咩，我呷个仔醋真係好白痴，但你可唔可以俾啲安全咁我？
：哈哈，叫咗我黎后悔呢？认错我就走啰
：你可唔可以唔好咁硬颈，明明你都唔係咁谂！唉，我都无你乎
：醋你都係呷埋今晚啫，听日一朝我都走啦
：你真係唔同我地一齐玩？
：唔啦，我好似阻住你地咁。同埋，我唔知你仲爱唔爱你老婆，如果你因为我而已经唔爱嘅我会好内疚
：呢层我都真係唔知，佢….太独立，我想要一个需要我嘅人
：我都好独立喎
：知啦，所以
喜欢〔真实〕〔广东话〕昏迷在有妇之夫的床请大家收藏：(m.csanma.com),bl文库网更新速度最快。